Og boltinn rúllar enn...

Jafntefli landsliðsins gegn Spánverjum á laugardaginn kom mér á óvart. Menn hafa hrósað liðinu í hástert en mér finnst menn ekki alveg átta sig á mikilvægi þess að Spánverjar voru einum færri í 70 mínútur. (og það fremur óverðskuldað að mér sýndist). Við skoruðum flott mark en svo var sú furðulega ákvörðun tekin að verjast með 10 menn í eigin vítateig og leyfa Spanjólum að ráfa með boltann fram og til baka fyrir framan vítateiginn okkar. Vitaskuld klúðraðist sú leikaðferð enda heimskuleg mjög.

Næsti leikur liðsins er gegn Norður Írum á miðvikudag. Þeim leik munum við tapa, 0-2 eða 0-3. Norður Írar eru með óþekkta leikmenn en spila sem lið og það mun skila þeim sigri. Í kjölfarið hljóta forsvarsmenn KSÍ að sjá að Eyjólfur er gagnslaus og best væri að reka hann. Þá hafa þeir einungis einn góðan kost í stöðunni GUÐJÓN ÞÓRÐARSON, kóngurinn á að taka við þessu aftur og koma okkur á HM 2010. Guus Hiddink væri svo sem ágætur líka en hann er upptekinn.

Athugasemdir

[Skarfurinn, 10.9.2007 kl. 21:16]

Gæti ekki verið meira sammála þér og menn eins og Sigurður Kári halda vart vatni yfir því að við náðum einu stigi á heimavelli einum fleiri í 70 af 90 mnínútum, það hljómar ekki sem kraftaverk hjá mér.

 En aðalmálið er að leikaðferð Eyjólfs í seinni hálfleik sýnir að maðurinn hefur enga getu né færni í að stjórna þessu liði, að pakka með alla í vörn í 45 mínútur með 1-0 og einum fleiri á heimavelli ber ekki vott um dirfsku né árræði, neis skiptum um karl í brúnni, því fyrr því betra.