Nokkrar hugleiðingar um fótboltaleik

Ég leyfi mér að efast um að Patrice Evra hefði fengið rautt spjald ef hann hefði tæklað Dave Kitson út við hliðarlínu í leik Manutd og Reding í dag (gær).

Eiginlega stórmerkilegt að dómarinn skyldi ekki gefa united eins og eina vítaspyrnu þegar augljóst var að þeir gátu ekki klárað leikinn sjálfir. Þáð ráð hefur oft dugað vel á old trafford.

Sú hugmynd að setja John O'Shea í sóknina er stórkostlega fyndin.

Þessi bein í Wayne Rooney eru alveg ógurlega brothætt.

Nani er ólíkt ljótari en Ronaldo. Hann virðist líka mun lélegri í fótbolta. Hann getur þó verið sáttur að Carlos Tevez er með honum í liði því sá er alltaf ljótasti maðurinn í liðinu.

 

Athugasemdir

[Sigurður Eðvaldsson (IP-tala skráð) 13.8.2007 kl. 02:56]

Þegar menn verða afbrýðissamir eða þola ekki velgengni einhverra annarra og/eða eiga engin orð til að lýsa hve þeir hata einhvern eða eitthvað, grípa þeir oft til málefna tilbúnings sem einkennist af skítkasti og ómálefnalegum athugasemdum um útlit annarra.Ég er nokkuð viss um að þú ert stuðningsmaður Chelsea.

[BrynjarHelgi (IP-tala skráð) 13.8.2007 kl. 18:25]

HaHa, bróðir minn Chelsea stuðningsmaður

[Óli Njáll Ingólfsson, 13.8.2007 kl. 20:56]

haha, þú ert greinilega bráðskarpur maður að finna í mér chelsea aðdáandann, sennilega er það eina liðið sem ég hata eitthvað í líkingu við Manutd.

Svo næ ég ekki alveg þessu með velgengnina, þið voruð að klúðra tveimur stigum á heimavelli gegn Reading sem verður seint talið stórkostlegt afrek (nema þá fyrir 10 reading menn). Hvað varðar sögulega velgengni þá er alveg augljóst að Liverpool á mun glæstari sögu en ManUtd. Teldu bara titlana.

Hað varðar ummæli mín um útlit einstakra leikmanna þá er það vitaskuld byggt á fagurfræðilegu mati mínu og því umdeild. Margir leikmanna United í gegnum tíðina hafa þó verið töffarar, t.d. Roy Keane. Í liði Liverpool eru líka ýmsir ljótir menn, Dirk Kuyt verður t.d. seint talinn augnayndi, sérstaklega ekki hárgreiðslan hans.

[Sigurður Eðvaldsson (IP-tala skráð) 14.8.2007 kl. 01:13]

Ég er hef mikla andstyggð á Chelsea einnig en læt það þó vera að hæðast að útliti leikmanna þess eða væna þá um vesældóm eða dómarasleikjuhátt hvað þá að gera grín af hvernig Móri stillir liðinu upp.  

Jú víst er rétt hjá þér að Liverpool á stærra bikarsafn en Man.Utd í dag. En ég er ansi hræddur um að innan fárra ára verði það ekki svo lengur.United státar af mun glæsilegri árangri en Liverpool síðustu 2.áratugi. Síðasti englandsmeistaratitill Liverpool kom í hús ef ég man rétt 1990.Síðan eru liðinn 17.ár og ég er ekki að sjá það að miðlungsliðið Liverpool landi meistaratitlinum í ár.

Þegar ég minntist á velgengni þá átti ég ekki við einn leik sem var leikurinn á móti Reading.Að sjálfsögðu var það skandall að landa ekki sigri í þeim leik.En eins og allir vita geta lið átt slæma daga og fengið slæm úrslit.Það er samt ekki hægt að dæma lið út frá einum leik.Ég átti við t.d síðasta keppnistímabil sem var glæsilegt hjá United þó svo að allt tímabilið væru mikið af leikmönnum á sjúkralista.

En við getum þó allavega verið sammála um að það leynast misfríðir leikmenn í öllum liðum.En eitt er víst að knattspyrna er ekki fegurðarsamkeppni og ekkert lið hefur landað titli vegna útlits leikmanna.Ef menn eru góðir í fótbolta þá skiptir það engu máli hvort þeir eru fríðir eða ljótir, þeir eiga þá erindi í bestu liðin í ensku deildinni.

[Eva (IP-tala skráð) 14.8.2007 kl. 13:25]

Er þá alveg bannað að pæla í því hvort knattspyrnumenn eru fallegir eða ljótir? Iss...Að halda því fram að menn megi ekki segja sína skoðun á því hvernig liðum er stillt upp er líka bara fáránlegt...

[Sigurður Eðvaldsson (IP-tala skráð) 14.8.2007 kl. 19:48]

Kæra Eva. Eina sem ég sé fáránlegt hérna í athugsemdalista þessa bloggs er athugasemdin þín, þar sem þú virðist engan skilning hafa á því um hvað við Óli Njáll erum að rökræða.Öllum er frjálst að hafa skoðun á málunum.En hér hefur engin sagt að þér eða öðrum sé bannað að hafa skoðun á útliti leikmanna eða hvernig þjálfari kýs að að stilla liði sínu upp.Þér væri hollara að lesa það sem við erum að ræða áður en þú skrifar athugsemd.Og ef þú skilur þá ekki neitt er betra að gera enga athugasemd og láta alla velkjast í vafa um hvort þú sért vitlaus, en að gera athugasemd og taka af allan vafa um það.

[Óli Njáll Ingólfsson, 14.8.2007 kl. 23:17]

Úff, miðlungslið Liverpool segir þú. Ert þú þá ekki kominn í það skítkast sem þú sjálfur ert að gagnrýna. Ég held að það sé erfitt að færa rök fyrir að lið sem hefur tvisvar á síðustu þremur árum farið í úrslit meistaradeildarinnar sé miðlungslið. Það væri ámóta og ég segði að United væri skítalið sem hefði unnið titilinn í fyrra einungis á heppni. Það geri ég ekki, get jafnvel játað að oft spiluðu þeir skemmtilegan bolta með hröðum sóknum og slatta af mörkum. Þeir áttu alveg skilið að vinna. Hvort menn voru á sjúkralista skiptir ekki máli. Öll stóru liðin eiga slatta af varamönnums sem eiga að geta komið í staðinn fyrir þá sem meiðast og öll áttu stærstu liðin við nokkur meiðsl að stríða, t.d. Cech og Terry hjá Chelsea, Henry hjá Arsenal, Kewell og Sissoko hjá Liverpool svo nokkur dæmi séu nefnd.

Síðustu 17 ár hafa verið Liverpool erfið, það er rétt. Mér finnst hins vegar nauðsynlegt að ef menn ætla að líta aftur til sögunnar og skoða velgengni þá verði menn að skoða alla söguna en ekki bara tímabil sem þeim hentar. Ég held t.d. að flestir United menn hafi verið á þeirri skoðun árið 1992 að lið þeirra væri nokkuð merkilegt stórlið í enskum bolta þótt ekki hefði deildin þá unnist í einhver 25 ár eða svo.

En hvað varðar yfirlýsingar um vælukjóa og dómarasleikjur þá er það nú oft svo að ákveðnir leikmenn eru leiðinlegri en aðrir hvað þetta varðar, láta sig detta og væla til að fá spjöld á andstæðingana. Og það er allt í lagi að mínu mati að hnýta í það.  Tökum sem dæmi Arjen Robben hjá Chelsea sem gerir það 5-10 sinnum í leik að henda sér niður í stað þess að standa í lappirnar og spila fótbolta. Frábær leikmaður, það verður ekki af honum tekið en alveg óþolandi hvað þetta varðar.

Og svo botn sé nú sleginn í útlitsumræðuna, þá kemur hún vitaskuld fótboltahæfileikum ekkert við og vitaskuld eru menn misfríðir. Mér þykir þó allt í lagi að tala um það. Það er nú líka þannig í afslöppuðu fótbóltaspjalli á ómerkilegri moggabloggsíðu þarf ekki að taka hlutina allt of hátíðlega.